Nýtt nám í djáknafræði
Djáknafræði
MA gráða – 120 einingar
Í meistaranámi í djáknafræði er miðað að því að búa nemendur undir ýmis störf á ólíkum sviðum kærleiksþjónustu innan kirkjunnar eða hinna ýmsu þjónustustofnana.
MA nám í djákafræði er sniðið að nemendum sem hafa lokið bakkalárprófi BA í guðfræði, uppeldis- og menntunarfræði, félagsráðgjöf, hjúkrunarfræði og nemendum með kennaramenntun. Nemendur með próf úr sambærilegum greinum sem nýtast á sviði kærleiksþjónustu geta einnig sótt um námið.
Námið er þverfræðilegt og lögð er áhersla á sjálfbærni, margbreytileika og mannréttindamál í samræmi við aukið vægi þessara þátta í kennslu og rannsóknum á sviði djáknafræði á alþjóðavísu.
Nemendur geta valið að sérhæfa sig á ákveðnu sviði, til dæmis með því að sækja:
- nám í sálgæslu á meistarastigi við Endurmenntun HÍ
- annað framhaldsnám á Menntavísindasviði
- annað framhaldsnám á Félagsvísindasviði
- Meginmarkmið
- Markmið námsins er að nemendur öðlist staðgóða þekkingu í djáknafræði og undirstöðuatriðum guðfræði. Einnig að búa nemendur undir ýmis störf á ólíkum sviðum kærleiksþjónustu innan kirkjunnar eða hinna ýmsu þjónustustofnana.
- Að loknu MA-námi í djáknafræði getur kandidat, sem hefur lokið starfsþjálfun á vegum þjóðkirkjunnar, hlotið embættisgengi til að sækja um djáknastarf og taka vígslu.
![](https://xn--djknaflag-11a6g.is/wp-content/uploads/2024/06/Haskoli-Islands-2-1.jpg)